孖何猷君遊動物園　奚夢瑤師奶Look盛惠10萬蚊

賭王四房兒子何猷君同超模太太奚夢瑤一向恩愛，近日有網友喺上海動物園偶遇二人帶埋大仔何廣燊親子樂，當中奚夢瑤一身師奶打扮更成焦點！見佢以深色大Tee加Leggings夠晒低調，加埋頭上大大個鯊魚夾，打扮直頭係師奶嘅典型衣着。不過長腿突出嘅佢，一現身就已經引起動物園內路人嘅注意，加上佢同何猷君齊齊拖實阿仔，一家三口確係幸福。

繼上次奚夢瑤豪花超過2萬人仔買睡衣之後，佢一身打扮又點會係Cheap嘢，其實佢當日嘅衣着行頭有近十萬港元，低調嘅富貴唔係人人做到。當中佢件名牌大Tee約5,200港元、靚波鞋約1,200港元、名牌手袋約9萬港元，加加埋埋都差不多約96,400港元！而何猷君當日身穿嘅棉褲約8,700港元、名牌男裝鞋約6,000港元，加埋都有約14,700港元，同樣富貴。