东网电视
更多新闻短片
歌手汤宝如（汤记）今日（29日）为将于11月于西九戏曲中心举行的演唱会作宣传，工作人员亦送上鲜花蛋糕，为10月生日的她庆祝及预祝演唱会成功。今年是她入行30年，汤记指演唱会原先3月举行，但受疫情影响而延期：“1992年入行，都担心过会唔会今年开唔成个骚。”她指演唱会将演绎自己及其他歌手歌曲，包括自己为纪念一位已故好友而创作的新歌《念念》：“其实4年前已写好，因为疫情一直未有推出，其实仲有几首新歌未出，好似Michael（黎小田）帮我写嘅国语歌《落花流水》，亦系佢最后一首作品。（到时会唱？）呢首唔会，因为想逐只新歌推，想将几首新歌出一只EP。”
她透露已邀请宝丽金年代的好友歌手担任嘉宾，问到会否邀请歌神张学友合唱经典歌《相思风雨中》？她説：“我都想呀，哈哈，顺其自然到时咪知啰。”又表示会邀请黎瑞恩及刘小慧等到场欣赏。问到囝囝会否撑场？她指16岁囝囝已长大有选择自由，笑言相对妈咪的歌曲，更喜欢男团MIRROR的作品，12子中尤其喜爱Anson Lo（卢瀚霆）：“我有时喺屋企练歌佢会叫我细声啲，哈哈！佢有讲到时会送花畀我，其实由细到大每次我开骚佢都会到一到探我就走，因为第二朝要返学。（你同佢讲会唱Anson Lo啲歌可能会嚟？）唔好唱坏人哋啲歌啦，哈哈。”
谈到疫情放援，汤记表示正计划骚后飞日本旅游：“去一个星期都好吖，放松下，好耐冇坐过飞机，睇啲旅游特辑睇到流晒口水。”谈到生日愿望，她希望疫情快过，大家都身体健康。
仲要收埋鲜花蛋糕！
宝如倒奶！
演唱会会唔会搵学友？
