呂爵安坐過山車 露出經典驚青樣

20220929
東網電視
更多新聞短片
MIRROR 12子逐步復工,其中呂爵安(Edan)有份主持的ViuTV遊戲節目《膠戰SSP》–《膠戰盛夏祭!爭奪高級浴衣大作戰!》宣佈將於下月8日播出。Edan聯同岑珈其、劉沛蘅、徐浩昌(肥腸)、黃正宜(阿正)及魏浚笙共六位膠人,一齊大玩遊戲,他們要集齊一套4款浴衣配件貼紙才為之勝出,可以穿上高級浴衣、企C位影終極大合照,而其他失敗者就會着上普通浴衣,畫上醜妝於大合照上出現。
節目中其中一個遊戲「死都唔眼閉」,他們需要喺坐過山車的時候,擘大雙眼望向前面的鏡頭,瞪開眼睛時間較長的參賽者則勝出遊戲,珈其未玩先驚,多次企圖臨陣退縮,都被隊員捉回來。Edan期間不斷露出經典驚青樣,不停大叫,而阿正玩之前更緊張得想大便,場面攪笑。
在另一個遊戲「答咗嘢試吓唔好撞」入面,膠人需根據題目而寫出答案,如果答案與其他人不相同便可得到一分,相反答案一樣就冇分。Edan被其他膠人玩踢爆,大爆之前拍攝節目一同去宿營,Edan如廁後塞爆廁所,珈其形容成個廁所塞滿紙巾,最後肥腸竟然徒手通渠獲得大量讚賞。