李日朗拍劇大豐收　有意經營美容生意

藝人李日朗、龔慈恩、張達明、張松技等在九龍灣E-Max出席新片首映。早前簽約無綫的李日朗原來密密拍，已經拍了4套無綫新劇包括《法言人》、《輕·功》《你好，我的大夫》及《靈戲逼人》，覺得今年在工作上是大豐收。

疫情期間他更趁空檔去學習美容小顏術，他說：「因為自己之前試過小顏術移返正啲輪廓，覺得好好，所就想去學，但係之前實習同個女仔整，因為要做少少按摩放鬆，雖然有老師在場，但原來都好尷尬，自己好怕羞。」他又笑言若果有得揀客，自言會揀靚女客人，因為怕遇到身上滿布暗瘡的女生，若能成功畢業，也有興經營美容生意，學以致用。

龔慈恩受訪透露將於10月初開拍無綫一套有關時空穿梭的新劇，早前亦完成另一部電影，她指若然回港措施早些放寬，自己已經去了旅行，她說：「已經有3年冇去旅行，都好想出去玩，放鬆吓，依家個女（林愷鈴）都好忙，所以要夾期去旅行都比較困難，唯有即興去旅行，好彩以前都去得多旅行，依家睇返啲相都會特別珍惜。」