吳彥祖現身Salon自嘲多白頭髮　貼地晒標準普通話

型男吳彥祖自攻入荷里活市場之後，佢近年都努力維護顏值，多次被網友偶遇時都Keep到男神形象，今次佢就被網友upload一條片並發文表示吳彥祖去到佢哋Salon染頭髮，靚仔型Look電暈網友，最後佢更Nice爆同髮型師相約回國飯局，親民程度直達100%！

見吳彥祖身穿藍色外套搭配藍色牛仔褲，未開始Set頭佢就先同髮型師打牙骹，當中就聽到佢喺度自嘲自己白頭髮太多，仲同髮型師約飯局添。去到片段中間又見到佢主動伸手同隔籬位嘅女士打招呼，似乎係被對方認出，加上佢面帶微笑回應，即被網友大讚係史上最Nice男神！不過網友最欣賞嘅係，明明吳彥祖嘅母語係英文同廣東話，但佢都依然堅持用標準普通話同身邊人對話，對其他人夠晒尊重又貼地。