李佳芯自爆近三年冇識新朋友 搵金牌媒人幫手脫單

2022年09月30日 15:07
東網電視
更多新聞短片
李佳芯(Ali)、蘇韻姿、黃智賢、袁文傑、陸浩明等在將軍澳電視城出席《好聲好戲》第二屆畢業作品《蜘蛛俠:不戰無歸》記招。「視后」Ali身兼監製、導演連配音也「踩過界」可謂周身刀,她笑說:「但係冇樣精呢,希望可以做到張張利,其實擴闊自己嘅眼光,對做演員都有幫助,自己嘅本業係演員,演戲都有進步空間,希望能夠做到專門。」她又指暫時未有開拍新劇的通知,自言一向不會揀劇本,但希望角色會有挑戰。
Ali在黎諾懿監製及主持的無綫節目《仨心友行3》 中大談感情,鮮有公開與舊愛陳炳銓分開因一直存在問題,疫情相處時間變長令問題浮面,導致分手收場,她說:「所有嘅關係都係咁,好正常呀。」講到Ali稱不會嗲人,她指要好好學習,也相信會每個人也要氹。問到可有新的撒嬌對象?她說:「冇呀,好難呀,要等天安排。自己都冇話要咩條件,都係感覺行先。」
她又自嘲自閉加上疫情,近兩三年也沒有認識過新朋友。提議她考慮使用交友軟件? 她笑說:「係咪要公開自己個身份,咁咪變咗好似社交網咁,唔會喇,我都係搵阿Bob排隊。」講到她身兼監導演的微電影,她指在網上播出有起過10多萬點擊,加上粉絲應援支持,已經感到相當圓滿。
蘇韻姿指在比賽中雖然未能勝出,但覺得獲益良多,參加比賽時相當緊張,壓力很大,認為對手贏在心理質素好,自己也在過程中學習到要調節心態,她說:「入到決賽已經超出預期,最大挑戰係配粵語長片,今次配西片起碼聽得明,但難在配英文片就難對嘴。」她又指參加比賽後多了工作,沙沙的聲音能派上用場配音。