蘇民峰批劉浩龍桃花　要等到2025年先有着落

由郭偉亮（Eric）、方力申（小方）及J2ers陳欣茵擔任主持的J2台節目《鋪鋪Poker》，明（10月1日）晚播出第一季最後一集，有蘇民峰、劉浩龍（師兄）擔任嘉賓，師兄更會接「榮休」的小方棒，成為第二季主持。

今集難得請到大師蘇民峰做嘉賓，當然要嚟個「Poker版開壇」啦。蘇師傅大方地為單身的師兄算桃花，並指原來師兄在2016至2021年期間有數個桃花年，只是他一一錯過了，師兄聞言不禁感嘆：「即係完結咗囉。」蘇師傅又指師兄的下一個桃花年，要等到2025年蛇年，師兄聞言即表現「疊埋心水」，並表示：「咁我努力做嘢啦！」欣茵亦爭取良機問及自己的事業運，蘇師傅笑言：「就嚟否極泰來，衰多幾年先啦，哈哈。」蘇師傅請欣茵不需要太擔心，皆因她29歲後會行30年財運，行運更會行到59歲，加上明年2023年是她的重桃花年，可能會遇到「真命天子」！