「仙氣女神」伍樂怡秘密返加拿大數月　處理家事探望閨蜜

近年獲無綫力捧的「仙氣女神」伍樂怡(Kelly)，於早前播出的《青春不要臉》及《金宵大廈2》均表現不俗，惟最近似乎失去蹤影，觀其社交網上載的照片，原來Kelly已秘密返加拿大幾個月，她接受東網訪問時，表示此行主要處理屋企事務，以及探望閨蜜:「疫情以嚟，我都成3年冇返去見佢，今次返去好開心，我哋一齊返去以前讀嘅小學同中學(學校開放畀大家入去?)唔係，因為當時咁啱係暑假，學生會返去上暑期班，大門冇鎖先入到去，點知一入到去，細個讀書嘅回憶就返晒嚟!」

更指雖然快將30歲，但當身處年幼時成長的地方，頓時感覺回到讀書時候的年紀:「當然有個Best Friend喺身邊，感覺更加濃厚(咁你幾時返香港?)暫時未知，因為話晒幾年冇返嚟，真係好懷念加拿大嘅生活。」