社交網新功能揭密　Baby勁留意黃曉明資訊

內地男星黃曉明同Angelababy年初宣布離婚，二人共同撫養仔仔小海綿，坊間一直盛傳多個二人離婚原因嘅不同版本，但二人就隻字不提，各有各生活，各自發展感情世界，當中黃曉明就被傳撻着企業家網紅葉珂，而Baby就同唔同合作過嘅小鮮肉傳緋聞，以為佢哋已經放下彼此，點知……

最近社交網推出新功能，可以瀏覽任何帳號近期瀏覽過嘅超話（超級話題）記錄，貴為當紅花旦嘅瀏覽記錄梗係多網友關心，竟被發現Baby最近參與嘅超話中，就有黃曉明嘅記錄，仲要係自2016年12月30日開始佢就Keep住睇，已經升呢做「LV3明教布衣」（超話粉絲等級），不過最令人心痛嘅，係喺男方嘅記錄中，就未見有Angelababy嘅任何痕迹！

對此，即引起網友激烈討論：「她好愛他」、「虐到了…一個看過對方超話，一個從來沒看過，超話等級3」同時亦有粉絲為Baby解圍，指呢啲都係銖耐以前嘅記錄，只要曾經Click過都會一直顯示。