晒8歲「當選」照　林鈺洧細細個已經同港姐好有緣

2022年香港小姐冠軍由林俊賢27歲愛女林鈺洧奪得，一當選就成為圈中話題人物嘅佢，近日都冇得抖，好多後期工作要配合，不過人紅先有Job，相信佢都好Enjoy呢啲咁忙嘅日子。今日（1日）難得佢終於都可以有空閒時間，佢就決定上載自己8歲時喺屋企戴晒玩具首飾、扮當選港姐嘅童年照，認真Cute爆。

擁有四分一英國血統嘅佢，細細個就已經係美人胚子，加上鬼鬼哋嘅外形，真係好適合入行做藝人，而佢自己都留言感嘆原來佢一直都同港姐冠軍好有緣：「張相係我8歲時影嘅。依家，我係（8）佳麗，我係香港小姐冠軍。」