做跟得夫人陪開工！高圓圓趙又廷海邊歎啡勁浪漫

內地女星高圓圓同老公台灣男星趙又廷係圈中嘅模範夫妻，2人雖然作風低調，甚少主動放閃，但就經常被野生捕獲，私下生活形影不離，繼之前高圓圓開工拍戲時獲趙又廷探班後，今次就輪到高圓圓做「跟得夫人」，陪老公到青島開工，有網民於青島一間咖啡店偶遇2人，見佢哋以藍色情侶裝示人，齊齊坐喺露台位置，望住海景睇書歎咖啡，簡單陪伴彼此，獲網民大讚係細水長流嘅愛情！