現身1米8馬來西亞女模生日P 曾志偉熱情咀嘴賀壽

2022年10月02日 09:07
東網電視
更多新聞短片
無綫總經理曾志偉為人好客又熱情,對圈中圈外好友都招呼周到,前日(30日)馬來西亞模特兒黎峇菈開生日P,竟然驚喜見到曾志偉現身,佢仲落力大唱生日歌,又拍手又扭腰等,佢仲滿足對方最大願望,就係可以同「獎門人」一齊過生日,佢仲主動搭住黎峇菈香肩一齊吹蠟燭,之後亦禮貌地送上香吻,熱情賀壽令黎峇菈相當感動,忍唔住留言:「今年有得同獎門人一齊吹蠟燭,祝我生日快樂,今年的願望是世界和平,沒有仇恨。」
而呢位黎峇菈原來身材相當火辣,擁180cm身高嘅佢,普通話流利,又曾同袁偉豪一同拍攝眼藥水及首飾廣告,加上佢時不時都會見到唔同藝人,與余錦基、鄭丹瑞等名人藝人都係朋友,又成日上Boat trip出海,比堅尼襯托佢曼妙身材,真係睇到網友流晒口水!