新劇下架︱張翰「渣男」累事 綜藝刪到僅剩3秒

2022年10月02日 12:04
東網電視
更多新聞短片
天后容祖兒有份參演嘅內地綜藝節目《牧野家族》,同最近被狂爆非禮女拍檔黑料嘅內地演員張翰組CP,搞到祖兒粉絲都好擔心會累到偶像…點知依家真係「出事」喇!不過出事嗰個係張翰,佢因為於新劇《東八區的先生》因襲胸、騷擾女性嘅不適當劇情,被網友炮轟後遭下架,後又被翻出過去同鄭爽、娜札間分合情史,名聲急跌陷人氣風波,佢喺《牧》最後一集嘅內容入面,竟只留下3秒身影,引發網友議論。
喺9月30日播出嘅最後一集中,難以搵到張翰身影,明明係講眾人告別、依依不捨,但就一直未見嘉賓們講感言等畫面,等劇情推進到容祖兒呼喚張翰時,佢先出現僅僅3秒,本身係長駐嘉賓嘅張翰,喺呢集入面嘅鏡頭量明顯急跌,更有網友寸佢指佢好似未參加錄製一樣。