姚焯菲04開工直踩 狂呻:有開工冇收工!

2022年10月02日 17:05
東網電視
更多新聞短片
《聲夢傳奇》4位畢業生姚焯菲(Chantel)、鍾柔美(Yumi)、冼靖峰(Archie)及張馳豪(Aska)今日(2日)出席禁毒活動,並獻唱主題曲《青春作風》,不過4位成員遲了半小時才到達現場,Chantel表示因之前趕拍MV,才令時間所有延誤:「我哋凌晨4時Call Time,一路拍攝,只夠時間食咗少少早餐同午餐,(今晚仲要亮相《聲夢傳奇2》決賽,幾點可以收工?),唔知呀,一向都只有開工時間,冇收工時間,不過相信經理人唔會咁冇人性,唔會糟質我哋嘅。」Yumi又是說雖工作時間長,不覺太辛苦,只覺得好熱同埋全身黐立立,Aska就話好想沖涼。
而Aska在玩遊戲期間,發現甩褲,原來他褲鏈下滑,他惟有一邊跳一邊整理褲頭,他解釋:「因為拍MV嗰度搞到全腳泥,好污糟,呢條白色褲係問Archie借嘅,都算啱着,佢成日帶一堆衫褲畀大家揀,(有冇借埋底褲呀?)冇喎,下次問啦。」
有傳Archie之前失言以沙士開玩笑而失工作機會,但就益了Aska多了工作,兩人表示工作量由經理人安排,所以增多減少亦不清楚,Archie更說:「之前我返咗內地劇集,所以少啲曝光。」
至於問到何曾受毒品引誘?兩女表示身邊沒有不良嗜好的朋友,Chantel則說只會受食物引誘:「睇唔到就冇問題,聞到就好想食,有時忍唔到就食少少,不過凌晨返屋企,爸爸整咗甜品,我都唔會食。」而Yumi就話自己算是忍口之人。