好有心!林明禎視像向鄧麗欣送生日祝福

20221002
東網電視
更多新聞短片
藝人鄧麗欣(Stephy)、張繼聰(阿聰)和王菀之(Ivana)今日(2日)現身戲院,出席主演電影《飯戲攻心》謝票活動。席間有觀眾表示前後已入場14次,教一眾主創感動不已,導演陳詠燊則透露正着手籌備續集,相信會原班演出,延續一眾主角的故事。
電影上映約1個月,累積票房已達5千萬,且成功登入史上華語電影票房榜十餘位,教台前幕後士氣高漲,希望榜上位置維續攀升!主角之一林明禎因離港,只能透過視像與現場觀眾打招呼,並帶領全場向10月生日的Stephy及陳湛文送上祝福。另外有粉絲要求與Ivana合唱電影主題曲,炒熱全場氣氛。
Stephy受訪時,談到誤以為觀眾問她再謝票會否性感打扮,她笑說:「大家好興咁問嘛,4千萬嗰次謝票,我一時口快講錯自己冇着褲,哈哈!(咁去到6千萬係咪會性感啲?)我之前去意大利旅行,都影落啲類似泳衣照,到時睇吓點囉。(有乜生日願望?)票房大賣,如果過到6千萬,為喜劇嚟講就真破紀錄。(生日點過?)應該都係謝票。」
阿聰則笑說:「呢套戲我謝票超過100場,真係歷史以來最多嘅一次。」Ivana接口:「我身邊好多親戚朋友,都話要繼續入戲院支持,佢哋當咗係派對其中一個節目咁。如果拍續集我希望我個角色伴侶list多啲選擇。(今次參演唔到嘅古天樂加重戲份?)我唔敢揀,但我個角色就要考慮。」