李亞男爆料呻不滿 王祖藍提醒男士們不要犯同樣的錯

2022年10月02日 18:01
東網電視
更多新聞短片
藝人李亞男為老公王祖藍主持的節目《有個閨密叫祖藍》任壓軸嘉賓,期間被要求互數嬲爆事件,亞男爆老公經常於半夜與閨密傾電話,因而忽略了她,令其不是味兒:「不嬲臨瞓前都係例牌你問吓我啲感受先,嗰日我咁啱有感受,你就接咗其他閨密嘅電話、安撫人哋嘅感受,我知人哋喺度喊你係要聽,但嗰晚我唔係好忿氣,因為我都有情緒,我都想Blah Blah Blah 講,但畀佢霸咗!」祖藍獲悉後非常自責,並提醒男士們不要犯同樣的錯。
談到當年亞男曾忍痛與祖藍分手,並飛返加拿大,但最終因按捺不住對祖藍的思念,拋下一切飛返香港,令祖藍大為感動,祖藍說:「嗰時身邊啲人擔心佢學壞,又驚我呃佢,本來佢諗住放低演藝事業返加拿大讀書,嗰時我都話:『我哋唔好一齊喇,勉強冇幸福,無謂令大家同身邊啲人咁痛苦。』結果佢最後竟然自己一個人飛返嚟香港,同番我一齊。」亞男亦補充說:「嗰時有諗過返去加拿大讀書就唔再返香港,但個心一路好想返香港,一路好掛住我男友,就寫咗封信畀屋企人,話我一定要返香港去搵我嘅幸福。」製作組播放二人當日結婚片段,並要求祖藍重現當年「愛的宣言」,祖藍表示:「我以前好容易好火爆,依家畀你感染到我冇晒火,我知道娶到你一生都會幸福,依家娶咗你真係每一日都覺得好幸福。」亞男聞言也冧爆回感:「多謝你畀我成為你人生嘅女主角。」場面甜蜜感人。