炎明熹為《聲夢傳奇2》擔任頒獎嘉賓:時間過得好快

2022年10月02日 20:39
東網電視
更多新聞短片
上屆《聲夢傳奇》冠軍炎明熹(Gigi)今晚以表演嘉賓及頒獎嘉賓身份出席《聲夢傳奇2》決賽,她表示心情既興奮又緊張,還有少許開心,她感嘆:「時間過得好快,感覺好奇妙,咁就一年。(有咩寄語畀新一屆?)寄語佢哋披上獨特戰衣,站上舞台享受每一刻。」她自言參加聲夢是一個很好回憶,一年前在化妝間化妝的情景仍歷歷在目。問到心水時?她稱讚每位都好有潛質,各人的歌路各有不同:「但如果要我揀,我會揀XiX,因為其中一個係我師妹。」她稱中午綵排時,有跟聲夢2學員打招呼,見她們已進入狀態,希望比賽時能有最佳發揮。
導師郭偉亮(Eric Kwok)現身決賽,問他過完今晚後可有甩身感覺?他說:「冇,仲好掛住佢哋,我反而有啲緊張。」問到心目中的冠軍誰屬?他個人好想紅隊勝出,又逐一送贈評語:「覺得Jasmine(任暟晴)最有條件加入娛樂圈,佢配套好;香港樂壇就好需要組合XiX,因為佢哋充滿正能量,一睇佢哋都唔似13至15歲;Sabrina(趙紫諾)嘅高度都好好,總之各有千秋。」
而今晚的冠軍得主,將獲Eric Kwok和陳奐仁作歌,他說:「如果係XiX勝出就係作快歌,其他唔係。」至於他日前為許志安作歌又擔任直播音樂會嘉賓,他指安仔:「改變咗好多,個人隨和咗變好咗,依家更易傾到偈,成日人正晒,佢咁勤力,覺得佢可以ready出嚟做嘢,佢同我講過最鍾意唱歌,大家都應該畀機會佢,因為佢把聲喺樂壇算獨一無二,我都好掛住佢架聲,想佢快啲出嚟唱歌。」