何雁詩熱褲騷長腿　網民激讚身材好唔似生過B

歌手何雁詩和鄭俊弘的囝囝Asher轉眼已經3個月大，阿詩喺社交網上載相片並留言：「Rain, rain, go away, come again another day（出自英文童謡歌詞，意即希望雨天快離開，擇日再來），本來想去公園，點知落雨，咁我哋留喺屋企玩啦，雖然Tummy Time 可能辛苦啲，但係努力啲慢慢就會得架！集思廣益一下，疫情期間可以帶BB去邊度玩？安全之餘都想BB見識下個世界，多啲聞下大自然氣味，睇吓唔同顏色。」

身穿小背心嘅阿詩抱住Asher坐定定，又攬住仍未識轉身嘅BB趴喺度影相，十分溫馨。圈中好友蕭唯展（Oscar）留言指趴喺度嗰個動作都幾高難度，阿詩就反問：「對佢定係對你？」而前港姐許芷熒（Whitney）就留言：「So cute! And you are so FIT」讚阿詩身形Keep得好，亦有粉絲認同留言：「還像未生過的少女一樣」。而網友就提議佢可以帶BB去公園或者沙灘：「西九海濱長廊，大草地＋维港海景，仲可帶寵物」。