唔止同框球王美斯！周杰倫「世紀合體」GD成集郵天王

台灣天王周杰倫（周董）近日現身巴黎參加時裝周活動，現場星光熠熠，有韓國女星韓韶禧、韓國天團Big Bang成員G-Dragon（GD）等人，而人面超廣嘅周董就帶埋老婆昆凌出動，不但與同場嘅GD同框合照，前一晚亦抽空睇球賽，並與球王美斯合照，即時成為全網焦點！其實周董多次與美斯「擦身而過」，去年周董同昆凌曾到法國欣賞巴黎聖日耳門主場賽場，當時比賽場上播放其歌曲《Mojito》音樂，事後佢亦有同該隊球星尼馬合影，至今年5月佢再與聖日耳門球隊合作拍攝廣告，當時美斯都有入鏡，但由於係分開拍攝，始終未有同框，今次周董終於可以趁住時裝周機會，同美斯合體！

由於美斯係世界級足球巨星，年薪過億，而身為華語樂壇天王嘅周董亦曾被披露身家高達95億台幣（約24億港元），故今次合體被網民喻為「王見王」！