鄭伊娜重回結婚舊地為2歲囡囡慶祝生日

前亞姐鄭伊娜（Ena）與老公潘敬祖（Felix）日前為慶祝女兒「芊豆B」兩歲生日，特別去主題樂園staycation慶祝，Ena話喺主題樂園慶祝別具意義，她說：「因為當年我哋喺呢度舉行婚禮，估唔到芊豆B嚟到竟然話爸爸媽媽喺呢度結婚，原來係Felix同過佢講，佢就知道，個女真係好大得好快！另外，最令我感動嘅係，個女成日會走嚟錫我，突然攬住我條頸話最鍾意媽媽！」Ena透露訂購木製蛋糕造型玩具畀個女做生日禮物，囡囡更愛不釋手：「佢好鍾意份禮物，做媽媽願望好簡單，個女開心我開心，仲好希望疫情快啲離開，等囡囡唔使再戴口罩。」