小S為愛獨自飛美國　因一件事認定老公Mike嫁得過

台灣藝人小S（徐熙娣）近日喺社交媒體《老娘的老娘：小S和S媽的超展開對話》中，大派閃光彈，分享愛情故事。佢坦言婚前同老公Mike去旅行嗰陣，已覺得對方好貼心，不單止識製造驚喜，就連去酒店都專登搵間靚景套房畀佢，令佢相當歡喜，覺得Mike嫁得過！

小S更大爆年輕時為咗Mike，從來冇去過美國嘅佢，獨自一人飛往當地見對方。不過都畀佢發現咗Mike有不解風情嘅一面，就係安排咗去賭城坐第一行睇熱門Show嘅Mike，一開場就喺位到昏睡。之後小S問Mike：「這樣不是很可惜嗎？」Mike則表示：「最重要你看得開心。」令小S依家諗番呢段往事都覺得好窩心。