鄺家瑜開咪講鬼故　立志做新一代「鬼后」

藝人鄺家瑜原來對鬼故情有獨鍾，近日更有機會到網台主持靈異節目，她說：「已經去過幾個平台講鬼故，但係做客席主持都係第一次，講鬼故就絕對冇問題，但係做主持就有啲啲緊張，要睇吓點樣帶動、營造氣氛，但相信自己聽鬼故經驗咁豐富，相信都冇問題。」鍾情靈異故事的她更希望成為新一代「鬼后」，她說：「好細個已經聽鬼故，都唔知點解自己會咁鍾意，可能因為媽咪都鍾意嘅關係。平時覺得放工，搵到套未睇過嘅鬼片嚟睇，會覺得好放鬆、好開心，只有鬼片先可以娛樂到自己。」