李嘉欣孖家姐飯敍　兩姊妹逆齡生長惹人羨慕

「大美人」李嘉欣凍齡有術，多年來都保養得宜，一直Keep住最佳狀態，其實比佢大8年嘅家姐李嘉明，同樣好似食咗防腐劑，兩姊妹一樣唔識老，近日李嘉欣孖住家姐，一同為時裝設計師好友張潔雯慶祝生日，佢喺社交網大晒合照，並留言送上祝賀：「遲來的聚會，張潔文生日快樂，聊得太開心啦」。見佢哋兩姊妹狀態大勇，皮膚望落同樣緊緻，且臉色紅潤氣質出眾，其中李嘉明更係完全睇唔出已屆60歲，果然得天獨厚。