《明日戰記》最新票房破6625萬 成為香港電影史上華語片第一位

2022年10月04日 17:06
東網電視
更多新聞短片
《明日戰記》電影上映至今41日最新票房衝破6625萬,擊敗《寒戰2》6624萬紀錄,成為香港電影史上華語片票房第一位。古天樂、劉青雲、姜皓文等齊齊開香檳祝捷。古仔希望票房能再創高峰衝破7000萬票:「好開心,《明》啱啱以6625萬成為香港票房第一位,好感動,呢部戲用咗好多時間去做,亦得到觀眾支持。另一樣開心係,呢輪港產片觀眾都好支持,有你哋既支持,希望可以拍更多好電影。」
古天樂與劉青雲今日(4日)在尖沙咀為電影《明日戰記》謝票,劉青雲表示:「好開心,好似古仔咁講,港生產片得到大家支持,呢個係好開始,我哋大家再努力啲,比香港觀眾知道港產片可以好好,可以賞心悅目。姜皓文對成績感到驕傲,亦希望港產片能夠百花齊放。」
講到《飯戲攻心》票房超過5000萬,古仔說:「知道其實依家疫情慢慢過去,喜劇係好啱香港人,大家好需要正能量,好需要笑,不過,除咗笑之外,香港人亦都需要走出呢個困境,拍《明》係希望為電影圈帶來未來,自己學習咗好多,亦知道點樣去進步。見到《緣路山旮旯》、《阿媽有咗第二個》、《飯戲攻心》、《明日戰記》,睇到電影漸見曙光,大家亦要好好珍惜,我哋先有動力行落去,謝咗60幾場票梗係攰,但唔緊要大家努力,為明日而戰。」
劉青雲講到近期多套電影皆報捷,他說:「好事嚟,成個市道停頓咗一段時間,間接容許咗開啲唔同嘅題,亦都有啲唔同新人出現,長江後浪推前浪,唔代表我哋要淘汰,而係有唔同嘅力量,先可以產生效應,大家睇到呢啲戲都係有唔同配搭,係一個好好嘅開始,希望呢個開始可以延續,係好需要人去Push呢成件事。」
提到《明》即將打破紀錄會否流下男兒淚?古仔說:「我個人比較堅強,但係情緒嚟到嘅時候,要感觸落淚都冇辦法,部戲大家都付出好多。」青雲則指這段時間要感觸落淚的事太多,但希望收起眼淚,繼續向前撐,但認為人總有情緒起伏,不開心的時候,發洩情緒過後也要向前看。」
訪問後古仔與青雲到戲院謝票,講到古仔下一部科幻片以太空為主題,司儀問到青雲可有想過做太空人?他即笑說:「其實我自細嘅夢想就係做太空人。」古仔笑說:「Amy(郭藹明)以前讀火箭,有問題問佢就得。」青雲又指覺得做太空人相當有型,加上現在可以在自己國家做太空人,大家只要比心機讀就有機會,又笑言自己若有機會上太空也願意冒險。