再戰選美︱李天縱11年前受盡委屈:唔想再做透明人!

20221004
東網電視
更多新聞短片
無綫藝人李天縱自參加《2011年度香港小姐競選》後加入無綫,當年同屆的佳麗還有朱晨麗、許芷熒(前名許亦妮、Whitney)、麥美恩等,雖然李天縱於香港出世,但小時候因為父母經營生意,故她要跟隨家人到阿根廷生活,年輕時好勝的她於北京電影學院及北京舞蹈學院畢業後,便毅然返港參選。當時她1的廣東話不好,縱然自信心爆棚,難免處處碰壁,受盡委屈的她更以「黑暗的一年」來形容參選的一年。
日前李天縱接受東網訪問時謂:「嗰陣自己啲廣東話唔好,人哋講嘅嘢我都唔明,就連參選時介紹自己我都只係背語音,每次訓練時我都偷偷錄音,然後夜晚返屋企就用ICQ傳畀朋友,等對方聽完再講解番畀我知,聽日要帶啲乜、注意啲乜。」李天縱坦言當時每天以淚洗臉,日日都想退選,相當委屈,問當年有否佳麗較為投契時,她謂:「嗰陣同Whitney最好朋友,因為去台灣拍外景時我哋係同房,但拍攝時都要分開,我連啲稿都睇唔明,有記者會時又唔識答啲傳媒,嗰幾個月真係好難捱。」
經過11年時間,李天縱一直都於無綫默默等待機會,除了說得一口非常好的普通話外,廣東話亦進步很多,她亦拍過不少劇集,第一套參演的是《不懂撒嬌的女人》,劇中飾演林文龍女友的她更大晒玉背上陣而備受觀眾注意,之後更獲不少監製讚好戲。2018年,她與結識多年的師兄、內地導演唐寅結婚,年多前誕下愛女Amber,令外界以為她已返內地,但其實她一直有拍劇,當中包括《隱形戰隊》、《雙生陌生人》及賀歲劇《黃金萬両》等。她不諱言:「我係因為超級鍾意演戲,先至可以堅持到依家,當年參選港姐,因為我想打破現狀,不過一路以嚟星運好低,所以依家唔想再做透明人,希望可以多啲人認識、認同我。」
亦因為此,李天縱參加無綫舉辦的《香港小姐再競選》,與一眾前港姐齊齊爭競逐獎項。由於她已婚、生了小朋友,故今次選美,都要擺脫世俗眼光,讓自己豁出去。2011年參選港姐時,李天縱108磅,生完女兒後,她的體重升至138磅,但為了今次「再選」,她已積極減磅至103磅!「我半年前報名,之後就開始鍛煉自己,每朝7點練瑜伽、夜晚就跑步,食物方面當然要調節配合,(要再次着泳衣面對大家會否有壓力?)依家OK嘅,過咗關,三圍同當年選港姐時都一樣。」