「浪姐4」名單流傳！鍾嘉欣陳法拉驚喜現身對戰華語天后

地真人騷《乘風破浪的姐姐》系列大受歡迎，歷屆多位「姐姐」人氣急升，而第三季剛播完冇耐，估唔到咁快網上就流傳第四季嘅擬定陣容名單，當中繼續有唔少港、台女星嘅身影，台灣方面有林依晨、桂綸鎂、范瑋琪等人，至於香港方面除咗有出爐金像影后劉雅瑟及李若彤外，亦有正於加拿大養胎嘅鍾嘉欣及近年主力荷里活發展嘅陳法拉，2人甚少於內地節目亮相，故令內地粉絲非常驚喜。名單上仲雲集咗唔少天后級卡士，包括新加坡天后孫燕姿、內地一線花旦劉亦菲及華語天后李玟（Coco）等，不過其實Coco已經唔係第一次傳出參加節目，故會否於第四季見到佢都係未知之數。