港女野人︱何泳芍荒山野嶺突失聯 嚇親廖慧儀胡美貽

20221005
東網電視
更多新聞短片
無綫J2行山真人騷節目《港女野人》,4名港姐出身的J2ers何泳芍(Honey)、陳若思(Amber)、廖慧儀(Jessica)及胡美貽(Nicole)除了要挑戰港九新界不同難度系數山野外,更會大玩水上極限運動,實行上山下海!
今晚(5號)播出的第2集,4位港女野人要受「輕裝露營」挑戰,在攀山達人達Sir要求下,眾人出發上山前加起來共要丟掉逾20公斤行裝,令起點現場一片混亂,被「丟棄」的煮食用具、衣服等遍地都是。在眾人埋首苦放棄甚麼之時,Nicole「死守」着一樽看不出任何實質用途的酒,最終更遭工作人員沒收,Nicole事後嬲豬兼無奈謂:「其實支酒都好珍貴嘅,我覺得可以一齊Share,係紀念性嘅嘢囉。」
經歷了一整天的行山及「卸裝」之旅,4人與達Sir冒着低溫在山頂對住靚靚夜景談心,席間,她們輪流訴心聲,Nicole及Honey更先後爆喊。Nicole含淚表示家人其實不是很諒解她的工作:「全家人都唔係好贊成我做呢行,佢哋覺得呢行都唔知聽日咩事,成日都問我,你究竟有冇嘢做?我要成日解釋唔係日日有工開。好多時人生有機會係要把握,放棄咗的話你唔會知道結果係會比預期更多。」曾患暴食症的Honey則覺得身處大自然讓她較自在:「我喺大自然冇喺城市中咁驚,因為冇人望到我,我鍾意做乜就做乜。」又邊說邊哽咽指自己只是對人歡笑:「我係比較敏感嘅人,成日要控制住自己,因為大家都覺得我好似好開朗,但其實最辛苦係自己一個嘅時候,行山係幫助到我行出個病。」
而眾女將面臨重大危機!事緣被譽為隊中體力最強的Honey,在城門水塘行山期間迷路兼不慎拗柴。由於Honey當時脫離大隊獨自行動,工作人員又未能聯絡上她,令Nicole、Amber及Jessica大為緊張,Jessica雖然起初有嚇一嚇,但很快回復鎮定,Nicole則狂Send信息給Honey。幾經艱難,大隊最終成功尋獲因腳痛哭成淚人的Honey;由於Honey 痛至動彈不得,「義氣擔當」Nicole及「第二苦力擔當」Jessica二話不說、輪流孭住 Honey落山。由於當時已經入黑加上落山之路有點難行,二人全程步步為營、險象環生,令Honey再度感動標淚。