撐拐杖現身巴黎時裝周　蕭亞軒被寸膠樣唔識郁

台灣女星蕭亞軒喺法國巴黎當地時間今日（5日）現身，出席一個名牌時裝騷做座上客，見佢被當地粉絲目擊撐住拐杖到現場嘅畫面，原來係佢3個月前做tabata運動，點知就唔小心傷到腳跟腱，不得不撐拐杖現身，加上佢言盛裝出席，大家都讚佢態度專業。

不過人紅多是非，佢外貌繼上次金曲獎現身被質疑「變樣」後，今次佢見人同樣化上濃妝，留中間分解飄逸曲髮嘅佢，被指下巴尖得過分，同時喺濃厚煙熏妝下鼻樑更見高挺，加上蕭亞軒接受訪問時，蘋果肌亦被指過僵，網友即狙擊佢個樣「唔識郁」。面對質疑，蕭亞軒經理人回應指係因為太凍，先搞到佢個人僵晒：「她一個女明星從羅浮宮走到會場，穿着薄的上衣，下半身又露大腿，在十幾度的低溫之下走那幾百公尺的距離，當然會冷，臉會僵呀！」