黃明德獻身接放學　「威迫」粉絲唱新歌

英皇唱作新人黃明德（Dark）拍攝綜藝節目《放學UFO》，接受全港中學生報名，由他到學校接指定同學放學，並一齊完成寫上的願望，為疫情期間缺乏校園生活的學生，留下深刻的中學生涯回憶，今集Dark再次「獻身」，到傳統名男校皇仁書院接放學。

今次目標幫學生Homan送驚喜給同學Cyrus，談到選中Homan原因，Dark表示：「佢有個承諾，如果揀中佢，佢會喺學校門口唱我嘅新歌《只想和你吃漢堡》，同埋會叫沿途經過嘅人加呢首歌入去佢哋嘅Playlist度。」Dark再問Hoamn做不做得到，Homan信心表示：「做到！」除成功令女學生將Dark新歌加入Playlist，更於校門和途人大唱《只想和你吃漢堡》。

完成任務，Dark及同學們便登上保母車出發，問到Hoamn希望跟Cyrus做甚麼，Homan表示選擇了唱卡拉OK：「本身成日都話放學一齊去唱K，但因為依家中六太多嘢做，可能要溫書或者學界需要訓練，夾唔到時間，難得今日夾到時間，所以一齊唱個K啦。」