曾之喬Yoon A同場睇騷　一張合照見顏值真章

最近各國開放通關及隔離措施，撞正依家係歐洲時裝周，吸引咗唔少藝人都可以輕易去朝聖，當中台灣女星曾之喬亦受品牌邀情盛裝出席。當日佢就咁啱同韓團少女時代嘅成員Yoon A同場，對方係韓國天團成員，不過都一樣Nice爆同佢合照。

事後佢就將合照擺上社交網，當中佢就提到對方轉Channel用中文同佢對答，搞到佢都心花怒放：「我和潤娥說了一點點韓文打招呼，她馬上用中文回我?真是個美麗又親切的巨星小姐姐：）」不過更開心嘅係，難得見到女神，網友都大讚曾之喬企Yoon A身旁都冇被比下去，更有人留言話曾之喬比女神更有型，氹得佢鬼咁開心。