趙頌茹直播帶貨分享不老秘密　全靠唔夜過9點上床瞓覺

女星趙頌茹雖然已為兩女之母，但保養得宜，依然Keep住少女味，呢日佢孖住帶貨女王 ViVi大玩直播，分享凍齡養生之道，竟然係要夠Hea：「要有Me Time放鬆自己，同埋我一般夜晚9點半就瞓，就小朋友時間之餘，行168斷食減肥更有效。」 佢又指認為所有女生肯努力就可以變靚，勤力排毒去水腫，要好好為自己爭口氣！ 至於在旁嘅ViVi就大讚：「阿Yu真係 keep得好好，一啲都唔似兩女之母，你睇佢大腿瘦過我小腿！阿Yu 高175cm嗎? 高過我成15cm呀，早知我着對5吋高鞋嚟！」