基斯頓比爾指里奧仔係荷里活首選男角　人人執佢二攤

英國男星基斯頓比爾（Christian Bale）最近接受雜誌訪問，記者提到比他小10個月、同樣是童星出身的美國男星里奧勒度狄卡比奧（Leonardo DiCaprio），是基斯頓主演電影《美色殺人狂》（American Psycho）首選演員，基斯頓表示荷里活中每個男星都是執里奧仔二攤！

基斯頓表示：「直到今時今日，所有人得到嘅所有角色，都係因為里奧仔唔要彈畀我哋。我懷疑差唔多所有同佢年紀差唔多嘅荷里活男演員，都係靠執佢二攤建立事業。其他人講咩都冇意思。無論你點同導演熟都冇意思。所有同我多次合作過嘅人，每個都係將角色首先畀里奧仔揀。我識得有人咁樣同我講。所以，多謝你，里奧，因為好老實，佢可以揀所有嘢。我都為佢開心，佢係出色演員。」被問到會否妒忌里奧仔時，基斯頓回答：「唔會，你知唔知我有戲拍已經好感恩？我意思係，我做唔到佢做嘅嘢。我亦唔想好似佢咁生活喺大眾焦點之下。佢係好犀利。」