姜濤自揭行程轉戰英國 沙田居民隔岸多謝「帶挈」勁離奇

2022年10月07日 14:01
東網電視
更多新聞短片
MIRROR自7月底紅館騷發生意外後,一度休團兩個月,直至今個月逐漸復工,12子重新活躍社交網,而人氣王姜濤則趁全面復工前,與家人飛到法國巴黎旅行,能到外地散心,姜濤心情都變得輕鬆,不時拍片自曝行蹤,原來佢近日已轉到鄰近的英國,見佢放下巨星身份,難得可以於街頭欣賞busking表演,雖然佢未有露面,但見佢一邊聽歌一邊感受藝術氛圍,仲慷慨打賞賣藝者,隔住個Mon都feel到佢好享受!
雖然姜濤身在外地,但香港依然不乏其新聞,竟然連廁所翻新都關佢事!近日沙田廣源邨商場廁所翻新,大批居民竟於地區群組發文公開多謝姜濤:「多謝姜濤,個廁所金碧輝煌,煥然一新」、「多謝姜濤,記得個廁所之前又暗又濕又臭」,令人相當好奇,原來今年2月姜濤拍攝《季前賽》時,曾人有三急借用該廁所,但由於該廁所多年來都出名衞生情況欠佳,故引起邨民熱議,造成一時哄動,而事隔8個月姜濤用過嘅廁所突然翻新,令唔少居民都相信係得姜濤帶挈,但有關單位就指翻新工程早已計劃,與姜濤借用廁所沒有關係。