黃翠如唐詩詠漏夜素顏整麵包　食咗先知出事！

藝人黃翠如、唐詩詠這對「閨密」現時朝夕相對，翠如的老公蕭正楠正於內地工作，而詩詠剛剛完約無綫，正值放假開心之時，兩女閒時齊齊跑步、食high tea，爽到不得了。

翠如今日（7日）於社交平台PO出一條她與詩詠齊齊自製牛角包的片段，由於整時正是晚上，二人沖完涼素顏示人，詩詠搓麵粉時笑言：「終於知道咩係有姿勢冇實際嘞！」二人整完後，翠如謂：「我哋整完牛角包，係咪睇到都覺得我哋之後可以開舖呢！」不過自己知自己事，她們竟然要猜包剪揼睇吓邊個負責試食，猜輸的翠如食後表示：「味道唔差喎！」詩詠即試食，但她竟然倒自己米說：「好似光酥餅呀！」翠如沒好氣說：「妳識唔識sell嘢？呢個係硬硬牛角包！YEAH！」不過無論如何，她們連日來一起睡、一起跑步、一起四處走、現時還發麵包夢，能夠有這樣的知己、時間及心情，都係開心嘅！