「馬來西亞Baby」黃詩棋重口味　最鍾意食臭豆腐！

「馬來西亞Angelababy」黃詩棋（Yumi）在社交網坐擁百萬粉絲，更度5度入選「全球百大美女」，早前成為古天樂旗下藝人，銳意在影圈發展。入行11年的Yumi在馬來西亞由模特兒誤打誤撞拍戲成為藝人，更先後到過內地與台灣發展，她笑說：「最想合作梗係古天樂啦，佢人品、演技、能力都好強，演員嚟講係好嘅合作對象。有合作過拍廣告，本來有機會拍戲，因為簽證遲咗拍唔到，好期待將來同佢合作。」

被譽為「馬來西亞Angelababy」的她自言不覺得樣貌相似：「喺馬來西亞已經有人咁講，我覺得似自己多啲，每個人都有唔同特色、風格。」外間覺得「女神」自然多人追求，但她卻自嘲反應遲鈍，因而拍拖經驗也不算多：「讀書有人鍾意咗我幾年，我都唔知。拍拖就隨綠，要時機、亦要相知、相識、相處。」

要贏得女神芳心更加要臭味相投，「重口味」的她笑說：「喺馬來已經好鍾意食臭豆腐，香港就更加好味，仲鍾意食榴槤同臭豆。」將拍攝靈異電影的她笑言演技一定很出色：「之前唔敢拍，相信一定會得好好，因為我真實好驚。」