朱智賢現真身再惹變臉疑雲　網民：根本係照騙！

無綫小花朱智賢早前喺社交網，大晒早前出席《2022年香港小姐競選》決賽嘅靚相，睇到36歲嘅佢五官精緻，靚到似公仔，望落同以前好似唔同咗樣，網民都話差啲認佢唔到，令不時被指變臉嘅佢再次惹嚟整容傳聞！而喺日前無綫播出嘅節目《台慶HI FIVE齊齊BUY》中，朱智賢擔任嘉賓，睇落佢個樣同社交網嘅靚相完全係判若兩人，即使化咗妝都十足素顏一樣，面色麻麻，仲有啲老態添，令到網民都再次認佢唔到，仲話根本係照騙，而有網民想知道到底係咪化妝出咗問題，定係節目效果喎！