劉佩玥灑脫分手唔會喊：仔死仔還在！

無綫台慶劇《美麗戰場》演員劉佩玥（Moon）與陳曉華今日（8日）在黃埔出席電台活動。劇集講到曉華對丁子朗愛得癡迷，竟然相信男友屈好姊妹佩玥撬牆腳，講到導演指角色與真人有點相似，曉華說：「真人梗係唔會啦，黐線㗎咩。角色似自己性格傻更更，中學嗰時就戀愛大過天，依家就唔會嘥時間拍拖。」

劉佩玥亦自言重友情多於愛情，過往分手也相當灑脫，她說：「仔死仔還在，唔使為咗唔好嘅男仔而喊。」她又指角色活力、霸氣及有義氣一面甚似她本人，曉華亦力讚她遇見不平事會出聲，佩玥說：「有時喺朋友圈，見到啲人是非當人情，都會出聲叫佢哋收口。」