林德信3年冇見阿媽　同林子祥慶生唔畀送禮

歌手林德信（Alex）與Robynn今日（9日）以80年代造型現身中環音樂Live騷，Alex媽媽吳正元及女友Candace亦有捧場，Alex透露疫情關係已有3年未見過媽媽：「佢以前都係上網睇我演出，今次可以親身嚟睇好難得，我都好開心。」

談到父親林子祥於10月12日生日，他坦言對方已下令不需送禮物，屆時只簡單食飯已足夠，更說：「成班人食飯好開心，不過單對單食仲難得，都想我哋可以撐枱腳，但係約佢食早餐好難，因為佢好早起身，約到嘅話會享受同珍惜。」

而他與Robynn攜手創作的新歌《Sparkling Wine》，乃80年代Disco歌，故趁今次首度公開獻唱，更指望疫情後能夠多些這類型的表演。至於Robynn為了宣傳該曲添置不少飾物，但拍攝MV時卻要問Alex借太陽眼鏡：「其實依家需要太陽眼鏡時，都係問家姐借，哈哈！」