衛詩雅Tube Dress驚走光 Heidi自嘲「小饅頭」
20221010
東網電視
更多新聞短片
![](/hk/bkn/cnt/entertainment/20221010/photo/bkn-20221010171633481-1010_00862_001_01p.jpg?20221010183203)
藝人衛詩雅(Michelle)與李靜儀(Heidi)今午(10日)現身尖沙咀出席活動。身穿Tube Dress現身的Michelle受訪時怕走光,竟然出手「抽裙」,她解釋自己近日消瘦不少:「我係刻意減磅,希望開工拍戲前維持到好狀態,開工後會一路減,因為忙嘛。呢排化妝,造型師都讚我皮膚好,易上粉。」
她又指自己研究出一套美容心得,打算日後於網上分享,又偏嘴表示:「真係要努力搵錢嘞,呢排花費好大,搬屋用咗5位數,今日又禍不單行,出嚟時跌爛咗個電話,搞到冇針紙幾乎入唔到場,等間又要去買電話嘞!」幸而手頭上有3個劇本任揀:「分別係沉重、喜劇同驚慄片,以前我好鍾意拍沉重戲,因為可以挑戰演技,依家就希望拍喜劇,令人發笑係種福分嘛。」
Heidi同樣性感打扮,且透露稍後將拍攝一部動作片:「所以我跟人學緊功夫,戲裏面我需要用鉸剪腳騎上男演員身上,然後撻低佢,學好功夫都可以防狼。(好多男人埋你身?)都驚嘅,之前拍《假冒女團》都學過功夫,可惜未有機會用得着。」
對於有網民指她身材「再度發育」,樣子亦有進化,Heidi解釋說:「係咪話我靚女咗呀?可能長頭髮,加上我做緊美容療程,所以皮膚緊緻咗啫。身材方面我不嬲都係『小饅頭』,可能影相角度問題,有少少陰影,睇落唔有啲唔同。網民話見到張相好驚,其實好小事,大家都係留意番啲好身材嘅女星啦。」