錢小豪送10萬小型賽車畀細仔：共同興趣可增進父子感情！

藝人錢小豪今日（10日）現身越野電單車表演嘉年華記者會，他透露細仔現年20歲，從8歲開始已學玩小型賽車，笑言兩人有共同興趣可增進父子感情，又指自己處心積慮部署多年：「我之前花咗10萬買咗架小型賽車送畀佢，一直放喺內地，但因疫情內地未通關，已經隔咗兩三年都冇玩過，香港又話係動感之都，連個正規嘅小型賽車場都冇，囝囝近年轉咗學飄移。」

小豪稱兒子跟他一樣是百厭星坐不定，對住書本想自殺，所以他從少就培養兒子多方面興趣，希望對方將來可將興趣成為職業：「佢考咗泰拳教練牌，依家喺拳館教小朋友打拳，佢仲想考船牌。」