區瑞強開唱搵譚嘉儀做嘉賓：佢唱經典歌有韻味！

歌手區瑞強（Albert）將於10月底在伊館舉行一連3場《區瑞強 45周年 友緣再相聚 演唱會2022》，今日（12日）聯同嘉賓麥潔文（Kitman）及譚嘉儀進行綵排。他透露每年起碼會開一次個唱跟歌迷見面：「同自己老友、台上台下嘅歌迷聽眾聚一聚。」他表示非常欣賞譚嘉儀：「雖然佢入行10年，但對我哋嚟講都係新人，佢唱《今宵多珍重》嘅時候已經留意佢，唱抒情歌唱得好好，好少新人演繹經典歌咁有韻味。」

之後Albert又以好拍檔來介紹另一嘉賓Kitman，他說：「合作過好多次，一齊出去登台，我哋大家都係唱經典粵語歌。」Kitman就透露到時將演繹包括自己出道歌《簾捲西風》，她説：「唱番呢啲經典歌曲，等大家可以回味一下，因為大家都係聽呢啲歌長大。」

入行45年的Albert表示到時還有多位嘉賓，包括3位同期電台DJ：「三位電台傳奇鄭子誠、鄭丹瑞同麥潤壽，希望回饋一啲電台嘅聽眾，另外仲有由細睇到佢大嘅袁偉豪，佢今次獻咗第一次畀我，會同太太張寶兒首次同台合唱情歌。」