張敬軒「騎劫」經理人婚禮　唱張學友經典歌似開騷

歌手張敬軒（軒仔）一向出名人緣好，尋日（15日）係佢經理人結婚嘅大喜日子，佢除咗親自到場見證一對新人拉埋天窗外，仲負責婚宴現場嘅祝歌部分，用歌聲送上最大嘅祝福！有現場賓客於社交網上載軒仔於婚宴上長達4分半鐘嘅祝歌片段，睇到佢唱出歌神張學友嘅經典歌曲《你的名字我的姓氏》，意外「騎劫」婚禮，將婚宴場地變成自己個唱一樣，而佢亦歌神上身唱得非常投入，大送心心，令到在賓客拍爛手掌，全場氣氛高漲，一眾網民都話聽出耳油，仲話隔住個Mon聽到都覺得好幸福！