AK生日疑自爆戀情　網民分析3大線索證據確鑿

人氣男團MIRROR經歷紅館意外後近日開始復工，其中成員江爗生（AK）昨日（16日）30歲生日，則於社交網上載身在西貢碼頭與狗狗「Chaichai」嘅合照，並有感而發指感謝陪伴低潮期：「三十而立，提起 學會。感謝呢段時間的陪伴，未來繼續多多指教！」豈料此舉竟疑似意外揭穿戀情。事關有粉絲發現AK緋聞女友麻利亞（麻利），同一時亦晒出身在西貢碼頭嘅照片，加上佢前日接近12時都有Po過生日蛋糕相，疑自爆與AK一齊過生日。

與此同時，AK為愛犬Chaichai開設嘅社交網，幾乎每個發文麻利都有留言，更曾表示：「猜豬個樣成熟咗了」、「原來以前真係好細隻」等，令人懷疑Chaichai正是2人共同養嘅狗仔，令戀情更如幻似真。至於AK生日文中提到嘅「感謝陪伴」，亦即被解讀為意有所指正在陪伴喺佢身邊嘅麻利。