蕭正楠返港即慰妻　孖黃翠如頭貼頭放閃

藝人黃翠如早前去到敍利亞拍攝節目，老公蕭正楠則北上拍劇，兩公婆分隔多時，最近黃翠如率先回港，而日前蕭正楠亦終於返港，身為廿四孝老公嘅佢當然第一時間慰妻，翠如於社交網大晒與蕭正楠合拍嘅影片，見佢哋頭貼頭不停轉動，十足糖黐豆一樣勁冤氣，雖然無厘頭但夠晒恩愛，翠如仲冧爆留言：「回來了，我的大傻。」實行大放閃光彈。