衛詩雅鄭融同是天涯「哈比人」　搵到另一個矮分身

藝人衛詩雅與鄭融以「黑白雙煞Look」，今日（17日）現身HOY TV（香港開電視）記者會。鄭融笑指事前與衛詩雅「夾過衣着」，而衛詩雅則開心表示：「平時合照啲人高我哋兩個頭，好開心今次大家身高相若。」

二人將合作主持節節目《另類自由行》，但詳情未定。衛詩雅透露：「因為我份人鍾意學嘢，製作組提議我去考牌，話去學驗初生雞仔嘅性別，聽講做得好1星期可以有20萬日圓收入，真係好爆！」

鄭融則表示數年前已為開電視拍過旅遊節目，當時有機會與鯊魚潛水：「好興奮，好好玩，佢哋嘅製作比較特別。」當衛詩雅表示想與鄭融齊齊做運動，鄭融即謂：「你係慳錢達人，我想跟你學嘢。」搞到衛詩雅說：「近排唔得，使大咗，之前跌爛咗個電話，諗住買番上一代，慳得一蚊得一蚊，點知個售貨員都勸我唔好咁。」