陳展鵬內地拍劇四個月終回港　即為台慶劇宣傳

陳展鵬早前到內地拍攝無綫劇集《香港人在北京》四個月，近日才完成回港，期間妻女亦隨行到內地陪伴，先後去到北京、上海、寧波、深圳等地，他笑說：「佢哋遊山玩水，因為疫情難得出去，所以都周圍去玩下。」回港後展鵬將要為台慶劇《超能使者》宣傳。

講到今次去到內地多個城市，會否興起在內地置業的念頭，他說：「老婆喺英國讀書，佢都好多上海朋友，所以好適應上海嘅生活，自己都10年冇去北京，今次去見到轉變都好大，啱啱9、10月喺北京，天氣好到不得了，亦都好鍾意北京，但係暫時未有喺內地置業嘅打算，樓市好似下跌緊，所以都係睇定啲先。」

黃百鳴晚上在金鐘出席晚宴，講到近期電影市道好轉，多套港產片票房報捷，問到可會多拍新戲？他話：「可能係年初戲院停咗幾個月，啲觀眾餓戲，希望疫情緩和，出年可以拍多啲電影，同埋可以出埠取景。」他指從近期的港產片成績，可以看到香港電影是有希望，但亦認為現在零影青黃不接，需要新血年青人加入，認為大灣區擁有7000多萬人口，是一個龐大的市場，對粵語電影推動相當大。