东网电视
更多新闻短片
“ViuTV女神”李昭南（Mishy）向来身材出众，去年佢就性感亮相ViuTV节目《海陆劲技场》，打水战对撼无綫同类水上游戏节目而引起热话，近日佢再参与恋爱真人骚《姊妹们的国际市场》，最新一集一众男男女女去泳池大玩Pool Side Party，当中以李昭南最为瞩目，以湖水缘比坚尼上阵，加上泳衣设计有两条黑线由心口挂上颈，令导弹级“咪咪”更加呼之“肉”出，成功“肉”压其他女嘉宾，一出场即引起全场男士哄动，连女主持阿正都表示：“我系女仔都唔知只眼可以望边！”Mishy即豪言：“平时我唔着泳衣，我裸泳㗎 ！”非常大胆。
李昭南一向身材出众。
近日佢着住比坚尼上节目。
一出场就成为焦点。
全场男士起哄。
两位主持都招架唔住。
而Mishy不但冧晕一班男嘉宾，身为主持嘅余德丞（Dickson）都自认咸湿，自爆忍唔住偷望：“最咸湿嗰个都系我，我tag嘉宾出嚟时候我都望咗佢一眼，所以我系最咸湿。”又指：“从男士角度睇，嗰两条黑色嘅线好尴尬，惊我睇唔到佢条线咁，佢已经好明显，佢仲要摆条黑色线喺度，我唔知可以望边度呀！”片段一出即令网民暴动，Mishy即急急解释该泳衣系由工作人员提供，自己私下出海其实比较保守。
本身已经够丰满。
心口仲有两条黑线突出“咪咪”。
余德丞自首有偷望。
仲自认系全场最咸湿。
