超能使者︱陳展鵬拍到眼都唔眨 唐詩詠搞到虛脫
20221020
東網電視
更多新聞短片
![](/hk/bkn/cnt/entertainment/20221020/photo/bkn-20221020190139207-1020_00862_001_01p.jpg?20221020202433)
由陳展鵬和唐詩詠主演的無綫台慶劇《超能使者》,將於本月31日(星期一)緊接《美麗戰場》播放,此為監製文偉鴻及陳展鵬第4度合作,劇中飾「骨精年」的陳展鵬及「電視城Q姨」的唐詩詠,分別有「停頓時間」及「治療奇能」的超能力。
文偉鴻為加強真實感,打造「停頓世界」的場面時,是摒棄全CG後製,全以實拍再配電腦動畫輔助,後期製作需時15個月,並採用超過1,800個CG鏡頭。拍攝時不單採用高速攝影機,演員更要以「自主Fast Forward(快鏡)」作配合,令影片調回正常速度時效果更自然。文偉鴻說:「以高速攝影機捕捉演員嘅慢動作,以展現『靜止』狀態,要喺freeze世界內游走嘅展鵬同詩詠,動作同對白都要用2至4倍速度去做。」
陳展鵬表示雖然比拍武打戲更累,但認為好玩又有挑戰性,需不少體力及腦力:「要令畫面喺正常速度播放下效果自然,表情動作唔可以太肉緊,唔可以咁多眨眼,有時拍近鏡,講嘢大聲啲都會吹郁對手頭髮,所以大聲得嚟唔可以噴氣。經過物件時唔可以郁到佢,行路冇風冇聲,因為聲音會引起輕微震動,每次拍完都要睇返有冇嘢郁,好考工夫。」
至於唐詩詠則笑言文偉鴻「搞着台前幕後」:「除咗講嘢加速,仲要夾番個樣,要配合CG等好多嘢,每日都好似學緊新技能咁。」雖然打鬥戲少,但她說《超》劇是從影以來拍得最辛苦的一部劇集:「每日開工情緒起伏好大,我耗盡咗200分精力同體力去,拍完成個人虛脫咁滯。」