JW教陳瀅唱歌：佢有天分一教就識！

歌手王灝兒（JW）今日（21日）為籌款節目《星光熠熠耀保良》進行綵排，她透露屆時會獻唱兩首歌，其中一首是新歌《FF》，會在演出時加入少量舞步，她稱由於《FF》成為電台冠軍，令她更有動力去創作歌曲：「我搵咗個朋友同我一齊寫歌，已經完成咗7成，預計下年推出，首歌唔係情歌，會係比較Cute同有節奏感。（會放番多啲時間喺音樂上？）其實我一直有錄音，但想同《FF》相隔耐少少先推出。」

提到好姊妹陳瀅為劇集《美麗戰場》跟張馳豪（Aska）合唱插曲，並找來JW教唱歌，她說：「我同佢上咗2堂，好似教聲夢學員咁教佢，佢首歌好難唱，因為好高音，而且又要就Aska個Key。（覺得陳瀅有冇天分？）作為朋友可以幫到佢完成呢個願望係好開心，佢話呢個願望做咗就可以放下，但如果佢想繼續唱歌，我可以幫佢，佢唱和音好叻，一教就識，不過佢話自己隻耳有問題，有時聽唔到自己唱成點。（佢係音癡？）唔係，佢有天分，學得好快。」