趁林心如等拎視后唔得閒　霍建華獨自去偷歡

台灣女星林心如憑神劇《華燈初上》入圍金鐘獎，呼聲夠高嘅佢依家就坐等拎視后寶座，今晚（22日）賽果揭盅，林心如積極備戰索爆現身，都唔得閒理老公霍建華。成日被指專心湊B嘅霍建華，好耐都冇公開露面，呢兩日佢就被發現現身朋友聚會合照，仲同多位圈中人及名媛如關穎、林熙蕾等合照，但就未見林心如現身。

網友發現霍建華面色發紅、眼神迷茫，仲出現雙下巴，估計佢係微醺狀態下同Friend gathering，聚會氛圍夠晒熱鬧。網友就話雖然佢今次係「獨自去偷歡」，不過老婆呢幾日咁忙，冇時間陪佢去見朋友，搞到佢一支公現身都好合理。